Óbyggðaferðir

IMG_8206

2011-05-25T17:14:00.001Z

IMG_8206, a photo by Óbyggðaferðir on Flickr.

Bjóðum nú upp á ferðir að toppgíg Eyjafjallajökuls á fjórhjólum,ferðin hefst frá tjaldstæðinu við Hamragarða skammt frá Seljalandsfossi. Leiðin liggur upp Hamragarðaheiði nokkuð torfarin slóða en ekki vandamál fyrir fjórhjólin, þegar í snjó og á jökul er komið skiptum við yfir á fjórhjól með beltum, sem flytja okkur auðveldlega upp jökulinn alla leið á topp þar sem gígurinn blasir við sjónum okkar. Auk þess að sjá ummerki hamfaragossins er útsýnið af toppnum stórfenglegt vægt til orða tekið, Vestmannaeyjar, suðurströndin og óhemju mikil og fögur fjallasýn. svona ferð tekur ca. 4-6 tíma og er hámarksfjöldi 5 manns í einu. verð. kr. 39.000 á manninn.
Ath. að þessar ferðir eru aðeins viðbót á allar þær skemmtilegu og fjölbreyttu skoðunarferða sem við höfum boðið uppá sl. fjögur ár frá Hólaskógi.

Stöndum vörð um ferðafrelsið okkar.

2011-03-15T15:47:00.001Z

Sjálfsögð tillitsemi við fatlaða. a photo by Óbyggðaferðir on Flickr.

Tekið við Þjóðveldisbæinn í Þjórsárdal, en nú standa yfir mjög víðtækar lokanir á aðgengi fatlaðra og allra sem ekki eiga svo gott að vera fullfrískir til langra gönguferða um hálendi Íslands. Samtökin FERÐAFRELSI berjast gegn slíku óréttlæti. Við hjá Óbyggðaferðum erum stolt af að hafa verið ein fárra ferðaþjónustuaðila sem stutt hafa þeirra málstað og stiðjum að sjálfsögðu áfram.

Topp ferð í stormi og hríð 6. mars 2011

2011-03-09T14:11:00.001Z

mars 2011 047 a photo by Óbyggðaferðir on Flickr.

Skemmtileg og krefjandi ferð sjö félaga með okkur. Ætlunin var að skoða fossinn Dynk en sökum snjóstorms og ofankomu urðum við að snúa við þegar skammt var eftir að Gljúfurleitarskálanum. ( skyggni 0 ) tókum stutt matarhlé í Hólaskógi og síðan tekin stefnan á Háafoss og þaðan fórum við eftir Stangarfellinu endilöngu og niður að Gjánni.Leiðin lá síðan að Hjálparfossi og Þjóðveldisbærinn var skoðaður í bakaleiðinni. Frábær dagur þrátt fyrir mjög slæmt veður á köflum.

Fossaferðin hjá Óbyggðaferðum : myndband

2010-12-16T00:20:00.002Z

Tekið við Kýlinga N-Au. Landmannalauga
Originally uploaded by Óbyggðaferðir

Þetta myndband var tekið í einni af skoðunarferðunum frá Hólaskógi og sýnir nokkuð vel um hvað þessar ferðir okkar snúast. Það er einfaldlega það að eiga góðan dag í okkar fallegu náttúru.
thttp://www.youtube.com/watch?v=1RA8jQqZmy0il að sjá myndbandið smella á linkinn

Í Hekluhlíðum á miðnætti 27.11.2010

2010-11-27T12:16:00.001Z

nov. 2010 276
Originally uploaded by Óbyggðaferðir

Myndin tekin til norðausturs Krakatindur og Rauðfossafjöll sjást vel í tunglsljósinu. Fleiri myndir væntanlegar úr þessari snilldar ferð á Heklu.

Gengið til rjúpna með myndavélina að vopni

2010-11-10T15:23:00.001Z

nov. 2010 118
Originally uploaded by Óbyggðaferðir

Nú stefnir í mikið frost og heiðskýrt veður um næstu helgi,við hjá Óbyggðaferðum ætlum að bjóða upp á dagskrá fyrir þá sem hafa gaman af því að ljósmynda úti í náttúrunni. Föstudagskvöld norðurljós og hugsanlega torfhúsa myddatökur með kerta og kyndla lýsingu eða bara eins og hver vill hafa það. Á laugardag göngum við svo til rjúpna í stórkostlega fallegu umhverfi í Skógræktinni Þjórsárdal farið verður á bíl eða bílum að Dímon og þar dreifir mannskapurinn sér ca. 3-4 tíma og menn reyna að finna rjúpur og skjóta þær með myndavélinni. Verður þetta skytterí líka keppni því þegar komið verður aftur til baka í skálann Hólaskógi skoðum við saman afrakstur dagsins á breiðtjaldi og veljum besta rjúpnaskotið. Grillum og höfum gaman..... nánari uppl. í s. 661 2503

Ferðafrelsi 874 - 2010

2010-10-14T01:44:00.001Z

Ferðafrelsi 874 - 2010
Originally uploaded by Óbyggðaferðir

Nú er frétta síðan hér að komast aftur í gang eftir langt stopp.
Smellir þú ámyndina hér til hliðar , sérðu fleiri myndir sem voru teknar 2.okt. 2010 í mótmælaferð sem farin var í Vonarskarð.

Hólaskógur gisting - Mountain Hut

2010-04-30T20:12:00.001Z

April2010 c 210
Originally uploaded by Óbyggðaferðir

Vekjum athygli á að í Hólaskógi er mjög góð aðstaða fyrir stærri sem smærri hópa til gistingar. Er hægt að sjá myndir teknar inni í skálanum með því að smella á myndina hér til hliðar.

Föstudagsferðir kl. 14°°

2010-04-23T11:20:00.001Z

Tekið við Kýlinga N-Au. Landmannalauga
Originally uploaded by Óbyggðaferðir

mars 187
Originally uploaded by ÓbyggðaferðirFöstudagstilboð á fjórhjólaferðum.
Frá og með næstkomandi föstudegi verða farnar fjórhjólaferðir frá Hólaskógi, alla föstudaga kl.14. Ferð fyrir alla og er enginn lágmarksfjöldi í þessar ferðir. Farinn er Fossaferðin eins og við köllum hana og tekur ca.3-5 klst. ( flottur hringur ) og margt að sjá.
Verð. kr. 17.500 pr.mann miðað við tvo á hjóli.

Skráning og nánari uppl:
Unnar s.661 2503
info@icesafari.is
info@atvtravel.is

Snjóferðir á beltafjórhjólum

2010-04-13T22:19:00.001Z

April2010 210
Originally uploaded by Óbyggðaferðir

Ekki hægt að treista eldgosum, hafði fyrir því að setja þrjú hjól á belti til ferðalaga að gosinu á Fimmvörðuhálsi. En þá stoppar það bara án þess að ég hefði leift það. En það er enn hægt að fara og skoða gosstöðvarnar þó ekki gjósi. Og að ógleymdri Heklu sem alltaf er gaman að toppa á fjórhjólunum. Hafir þú áhuga á svona ferðum verða beltin undir í nokkra daga í viðbót ( það er að koma sumar )
Uppl. s. 661 2503
www.atvtravel.is

Beltahjólaferðir að gosstöðvunum á Fimmvörðuhálsi.

2010-04-05T10:57:00.001Z

Skammdegis sólin.13. des. 2008 kl .15.2o
Originally uploaded by Óbyggðaferðir

Eftir páska bjóða Óbyggðaferðir upp á útsýnis ferðir að gosinu á
beltahjólum ( eru í raun litlir snjóbílar sem komast allt ) hjólin verða þrjú og eru tveggja manna, þannig að sætisframboð eru fimm fyrir utan gætinn.

Meira hér á síðunni þegar skipulag og verð eru komin á hreint.

Stóra gosferðin 27.mars 2010

2010-03-30T22:06:00.001Z

Álftarvatn. Torfatindur í baksýn og lengst í fjarska er Tindfjallajökull.
Originally uploaded by Óbyggðaferðir

Það eru engar ýkjur ef ég segi að ferðin síðustu helgi hafi verið dálítið erfið á köflum. En við vorum á ferðinni umkringd fegurð fjalla, dala og Jökla fram á nótt. Lögðum af stað frá Hólaskógi um hádegi, fengum sand og moldrok að Heklu, síðan héldum við beina leið að Dalakofanum ( nesti og kaffi ) leiðin lá síðan suður undir Laufafell, þaðan að Álftarvatni ( myndin til hliðar tekin þar ) haldið áfram í Hvanngil, stoppuðum þar bættum bensíni á hjólin og næringu í kroppinn. Var nú tekin stefnan á Mýrdalsjökul og ætlunin var að fara hann endilangann til suðurs að eldstöðinni, á Fimmvörðuhálsi. Ekki vorum við komin langt inn á jökul þegar færið versnaði all verulega og ljóst var að ekki næðist að komast þá leið að eldgosinu. Héldum því næst niður Mælifellssand að Markarfljótsgljúfri, ( þar var flott útsýni yfir á gosstöðvarnar ) næst lá leiðin niður Fljótshlíðina til Hvolsvallar og Hellu. Þaðan ekið á móti norðanvindi og brunagaddi alla leið til baka í Hólaskóg. Hörku ferð og hörku mannskapur.

Fjórhjólaferð að eldstöðvunum 27. mars

2010-03-25T14:00:00.001Z

Á mýrdalsjökli.
Originally uploaded by Óbyggðaferðir

Næstkomandi laugardag er mjög stór og krefjandi fjórhjólaferð frá Hólaskógi. Brottför ca.milli kl.10 -11. Í stuttu máli verður stefnan tekin austur á Mælifellsand og farið eftir Mýrdalsjökli að eldstöðvunum. Þar verður væntanlega mikið tekið af myndum og margt skoðað.Bíðum til myrkurs til að sjá gosið þannig líka. Síðan er kvöldkeyrsla heim í Hólaskóg. Verður þetta ekki nein stressferð og margt annað skoðað á leiðinni. Væntanlega er harðfenni og flennifæri eins og síðustu helgi svo þetta ætti ekki að vera neitt mál.

Verð. pr. hjól kr. 40.000 ( 20.000 kr. á mann ef tveir á hjóli )
Komi menn í ferðina á eigin hjólum kr. 5000 og eru gistingar í Hólaskógi innifalið.

Ath. skráning í s. 661 2503 og info@atvtravel.is fyrir kl. 20 á föstudag

Helgin 19.-21. mars

2010-03-17T22:29:00.001Z

Horft yfir Hrafntinnuhraun
Originally uploaded by Óbyggðaferðir

Styttist í helgina, reikna með drauma færi ( harðfenni ) og ætti að vera auðvelt að búa til flotta ferð í Landmannalaugar, jafnvel með viðkomu á Heklutoppi ef skyggni er gott. Er að tala um ferð sem farin yrði á laugardeginum, og síðan skálastemning í Hólaskógi á eftir, skoðaðar myndir á breiðtjaldi úr ferðinni fyrr um daginn, saunabað + eitthvað kalt og hressandi ( fyrir þá sem það vilja ) og að sjálfsögðu kýlt út vömbina af góðum mat. ( sem menn koma með sjálfir )
Mæting: föstudagskvöld og gert klárt um kvöldið.Lagt af stað ekki seinna en kl. 10 á laugardegi. Vonlaust að segja til um lengd ferðar og komu aftur í Hólaskóg. Stefnum á milli kl. 17 og 19 skiptir ekki öllu.
Verð : Hjól + bensín + 2 gistinætur, sauna að vild og öll aðstaða í Hólaskógi. Tilboðsverð kr. 35.000 hjólið ( 17.500 kr. á mann ef menn tvímenna á hjóli )
Komi menn á einka hjóli kr. 5,000 ( ferðin + 2 gist.ingar+ sauna+ aðstaða í Hólaskógi )

Skráning í ferðina... s. 661- 2503 og info@atvtravel.is

Helgin 12-14 mars 2010

2010-03-14T22:34:00.001Z

Skíðagöngufólk frá Útivist.
Originally uploaded by Óbyggðaferðir

Skíðagöngu hópur frá Útivist, sem ekki lætur slæmt veðurútlit stoppa sig, mætti hér á föstudagskvöldið, í þoku og
Blautu veðri, ekki kanski það besta fyrir skíðagöngu. En á laugardeginum héldu þau af stað að leita uppi snjóinn, því enn var þoka og ekkert skyggni, og allur snjór farinn í nærumhverfi Hólaskógs. Héldu þau upp að Háafossi á bílum og gengu síðan norðaustur upp í þokuna á Fossheiðina. Fljótlega gengu þau upp úr þokunni og fengu uppskorið bæði gott færi og veður. Fóru þau einhverja 20 km. var slakað á í saunabaðinu á eftir. Gistu aðra nótt og Átti að skoða Gjánna og fl.á heimleiðinni á sunnudeginum. : Langar að vekja ath. á því að með í för var maður sem heitir Grétar Williams ,og er hann með ansi hreint flott og fróðlegt myndasafn úr ferðum um Ísland á flikker. (7000 myndir ) eflaust verður hægt að sjá myndir frá honum líka frá þessari helgi.
Einnig mættu á föstudagskvöld nokkrir félagar úr Landróverklúbbnum
og fóru þeir alla leið í Laugafell næstum beina leið eftir gps.á laugardeginum enda draumafæri. Komu einnig landroverfélagar að norðan á svipuðum tíma í Laugafell. Fór ég með í þessa ferð á mínum Landrover ( enda félagi að sjálfsögðu ) en gisti ekki heldur fór einbíla til baka í Hólaskóg.
Flottur túr en nú mætti fara að frysta , þá yrði hálendið ein hraðbraut hvert sem er og ótrúlega slétt.

Snjóaði um helgina......en

2010-03-11T00:13:00.002Z

Snjóaði mikið og ringdi líka mikið um síðustu helgi, engu að síður margt í gangi

upp í Hólaskógi.

mars d 119
Originally uploaded by Óbyggðaferðir

sjá myndir smella á mynd....

Föstudagstilboð á fjórhjólaferðum.

2010-03-04T14:25:00.002Z

mars 187
Originally uploaded by Óbyggðaferðir

Föstudagstilboð á fjórhjólaferðum.
Frá og með næstkomandi föstudegi verða farnar fjórhjólaferðir frá Hólaskógi, alla föstudaga kl.14. Ferð fyrir alla og er enginn lágmarksfjöldi í þessar ferðir. Farinn er Fossaferðin eins og við köllum hana og tekur ca.3-5 klst. ( flottur hringur ) og margt að sjá.
Verð. kr. 17.500 pr.mann miðað við tvo á hjóli.

Skráning og nánari uppl:
Unnar s.661 2503
info@icesafari.is
info@atvtravel.is

Zik zak 27.feb. 2010.

2010-03-02T19:25:00.001Z

Lagt af stað í vetrarveðrið.
Originally uploaded by Óbyggðaferðir

Helgin var skemmtileg, þrátt fyrir smá vonbrigði með að ekki snjóaði
hér á svæðinu. Berglind í Zik Zak mætti ásamt starfsfólki sínu og vinum í fjórhjólaferð, sem var hin skemmtilegasta. Krydduð með snjóéljum, hvössum að norðan og vel af frosti.

Sjá myndir úr ferðinni : smella á mynd.

Helgin 26.-28.febr

2010-02-25T18:56:00.002Z

Undir hraunkantinum
Originally uploaded by Óbyggðaferðir

Loksins loksins snjór, allir velkomnir í Hólaskóg um helgina.

uppl. s.661-2503

Hrafntinnusker-Jónsvarða 20.febr.2010

2010-02-22T15:26:00.001Z

j febr.2010 e 123
Originally uploaded by Óbyggðaferðir

Hún var flott ferðin sem við fórum síðastliðinn laugardag. Það voru fimm fjórhjól sem lögðu af stað um hádegi úr Hólaskógi, Héldum austur Dómadal með viðkomu í Áfangagili, brunuðum í björtu og fallegu veðri að brekkunni löngu upp í sker, en þar fyrst þurftum við að hleypa úr dekkjunum. Nú tók við ferðalag á snjó með ægifögru og miklu útsýni. Gekk okkur eins og í sögu að finna leiðir, krossa ár og gil alla leið að Jónsvörðu. Jónsvarðan er einn flottasti útsýnisstaður sem ég hef komið á. Tindfjöll, Eyjafjallajökull og í raun stór hluti af hinum vinsæla Laugarvegi er allt fyrir augunum. Og síðan skemmir ekki að hverinn stóri er aðeins í 100m. fjarlægð í hina áttina. Tókum við stóra nestis stoppið á þessum magnaða stað. Veit ekki hvort hverinn hefur nafn, en mér var sagt að hann væri öflugasti gufuhver á landinu. Veður hélst bjart og fallegt alveg til kvölds þegar við skiluðum okkur til baka eftir ca.7 -8 tíma ferðalag.

Jónsvarða í Ljósufjöllum laugard.20.febr.

2010-02-18T23:30:00.001Z

Draumaferð á Heklu 7 mar. 2009 076
Originally uploaded by Óbyggðaferðir

Skemmtileg ferð framundan, en hugmyndin er að fara í Hrafntinnusker,að íshellinum og þaðan suður að stóru hverunum, og njóta síðan útsýnis frá Jónsvörðu þar skammt frá.
Þegar þetta er skrifað eru komin þrjú hjól í ferðina, höfum enn sex hjól sem hægt er að fá leigð í þessa ofur vetrarfjórhjólaferð.
Einnig mæta í ferðina fjórir kappar sem ætla síðan lengra (strútslaug ) og munu þessir tveir hópar vera samferða að Jónsvörðu. Á myndinni hér til hliðar sést yfir væntanlegt ferðasvæði okkar ( tekið ofan af Heklu ) Hjól í ferðina kr. 35.000 Gisting innifalin í Hólaskógi.
uppl. s. 661-2503

Kynningarferð farin 17.febrúar sl.

2010-02-18T17:36:00.001Z

Upp ísinn á hafinu, að Háafossi, Hekla og Búrfell í baksýn.( mér finnst þetta flott mynd )
Originally uploaded by Óbyggðaferðir

Mættir voru fulltrúar frá Hótel Hvolsvelli þeir Óli Jón og Gummi,einnig var mættur Benedikt Kristinsson eigandi Vulkan Travel Group með fjölskyldu sinni.
Í hópinn bættist síðan fjölskylda frá Sviss. þannig að úr varð raunveruleg túrista ferð.
Fórum við á hjólunum um næsta nágrenni við Hólaskóg.
( fossaferðin )
Og í stuttu máli varð þetta hinn skemmtilegasti túr. ( eins og alltaf )

4x4 vesturlandsdeild - þorrablótið flautað af ( lítil þátttaka )

2010-02-18T13:03:00.001Z

Jökullinn heillar.
Originally uploaded by Óbyggðaferðir

Úr því svona fór, er nóg af gistiplássi í Hólaskógi næstu helgi.

Þorrablót 4x4 vesturlandsd. 19-20.febr. 2010

2010-02-15T20:33:00.001Z

Þorrablót 4x4 vesturlandsd. 076
Originally uploaded by Óbyggðaferðir

Vesturlandsdeildin hjá 4x4 mætir í Hólaskóg á föstudagskvöld.
Halda þau þar árlegt Þorrablót sitt aftur hér í Hólaskógi,sem er ánægjulegt fyrir okkur enda skemmtilegt fólk á ferð.
Skilst mér að það verði farin einhver jeppa ferð á laugardag og svo eftir hana hefst mikil þorramats átveisla með öllu sem því fylgir.
Langtíma spáin er góð frost og heiðskýrt þannig að það stefnir í snilldar helgi í Hólaskógi, og ekki má gleyma að við hjá Óbyggðaferðum erum líka með ferðir á fjórhjólunum alla daga ársins fyrir stóra og smáa hópa.

Viddi og vinir.13. febr. 2010

2010-02-14T22:35:00.001Z

Viddi og vinir.
Originally uploaded by Óbyggðaferðir

Þau mættu gallvösk frá Hótel Örk í fjórhjólaferð hér hjá okkur í Óbyggðaferðum. Áttum skemmtilegan dag ,svolítið blautt.
Fórum við víða og skoðuðum mikið, er með ritstíflu svo þessi frétt verður ekki öllu lengri, en smellir þú á myndina sérðu fleiri myndir úr ferðinni.

Helgin 5-7 febrúar 2010

2010-02-08T10:28:00.001Z

Skálinn í Laugum
Originally uploaded by Óbyggðaferðir

Skemmtileg ferð síðustu helgi, færi og skyggni frábært. Í stuttu máli
vorum við mjög víðförlir, fórum Krakatindaleið í Laugar með viðkomu á nokkrum fjallstoppum sem urðu á leið okkar. Þegar aðstæður eru svona ( harðfenni og allt pikkfrosið ) er einfaldlega frábært að fara um víðan völl og skoða okkar fallegu náttúru,frá öðrum sjónarhornum en kanski oft áður.

Sjá myndir smella á myndina.

Fjórhjól og Jeppar í Landmannalaugar næstu helgi.

2010-02-04T00:27:00.001Z

50 ára í dag ( afmælisferð fjölskyldunnar)
Originally uploaded by Óbyggðaferðir

Nú líður að helgi og stefnir í bjart veður og mikinn kulda.
Sem er ávísun á mikla fegurð á fjöllum.
Við hjá Óbyggðaferðum erum því að skipuleggja stóra Landmannalaugaferð frá Hólaskógi á laugardagsmorgun.
Jafnt Fjórhjól sem Jeppar ( gæti orðið skemmtilegt samflot )
Prógr. einhvernvegin svona.
Mæta í Hólaskóg á föstudagskvöld gera klárt fara í sauna,og kanski einhvern kvöldskrepp.
Morgunmatur kl. 8 - 9 og af stað um kl. 10 svo er bara farið í Laugar eflaust dreifist mannskapurinn eitthvað sem er bara allt í lagi enda frjálsleg ferð, og allir eru foringjar.
Eftir stopp í Landmannalaugum er farin einhver skemmtileg leið til baka í Hólaskóg ,þar sem við skoðum myndir á breiðtjaldi frá ferðinni fyrr um daginn. Og auðvitað grill sauna og einn kaldur.
Þátttökugjald : kr. 5000 á mann. ( tvær gistingar, sauna.og ferðalagið ) Menn koma með góðaskapið svefnpoka og matvæli með sér. Er hæt að fá leigð fjórhjól í ferðina hjá Óbyggðaferðum
fyrir aðeins 30.000 kr. og er þá gisting og Útbúnaður innifalið.

Skráning. e-mail : info @ icesafari.is eða í síma 661-2503

Þorrablót. Suðurnesjahópurinn

2010-02-01T10:51:00.001Z

Fjórmenningarnir hér fremst eru forsprakkarnir að þessum þorraferðum hjá hópnum, sem er búinn ferðast og halda þorrabl. í 26 ár.
Originally uploaded by Óbyggðaferðir

Það voru engir nýliðar í þorrablótum og fjallaferðum sem mættu og héldu árlegt þorrablót sitt í Hólaskógi síðustu helgi.
Heiðruðu þau staðinn með nærveru sinni frá föstudegi til sunnudags.
Það var ekki bara borðaður þorramatur þessa helgi, því hluti hópsins fór í jeppatúr að Heklu, aðrir slökuðu á í húsinu eða fóru í gönguferðir um nágrennið. Og að sjálfsögðu nýttu menn sér hið magnaða fjalla sauna í Hólaskógi.
Fjórmenningarnir frems á myndinni hér til hliðar,eru upphafsmennirnir að þessum þorraferðum, sem hafa verið farnar í 26 ár. frá vinstri. Raggi bakari. Árni Óla. Gunni Matt. Garðar Sig.

Smella á mynd til að sjá fleiri myndir.

Miðnæturferð á Heklu. 30.jan.2010.

2010-02-01T09:04:00.001Z

Miðnæturferð á Heklu. 30.jan.2010.
Originally uploaded by Óbyggðaferðir

Það voru tólf vaskir menn sem lögðu í Hekluna um kl. 21.30
Fullt tungl og heiðskýrt tíu til 15 gráðu frost, og fjallasýn hin besta.
Ætlunin var að vera á toppi Heklu á miðnætti og njóta tunglskyns,útsýnis og norðurljósa þaðan. Ekki reindist fært alla leið á topp vegna snjóleysis í hrauninu. en engu að síður var þessi ferð á fjórhjólunum mikið og skemmtilegt ævintýri. Þar sem tunglið lýsti sem að væri dagur, og við fengum líka stutta norðurljósa sýningu. komum aftur í Hólaskóg um kl. eitt eftir miðnætti. Þetta verður örugglega endurtekið þegar aðstæður leyfa.

Heklan

2010-01-29T17:31:00.001Z

Heklan
Originally uploaded by Óbyggðaferðir

Fullt tungl og heiðskýrt á morgun 30.jan. Nú er harðfenni og mjög
gott færi, erum við með miðnæturferð á Heklu á laugardagskvöld.
Farið á fjórhjólum frá Hólaskógi um kl. 21 brunum á toppinn á hjólunum og njótum tunglsljóss og vonandi norðurljósa.
Er þetta hið mesta ævintýri og kemur mörgum á óvart hversu björt fjalla nóttin getur orðið. Áhugasamir geta leigt hjól í ferðina á aðeins 20.000 kr.

Uppl. s. 661-2503 hjá Unnari.

Hilton Hotel - starfsmannaferð þann 9. jan.2010

2010-01-10T14:13:00.001Z

jan 2010 089
Originally uploaded by Óbyggðaferðir

Það var föngulegur hópur kokka og þjóna frá Hilton Hotelinu sem mættu gallvösk, þrátt fyrir rok og rigningar spá í fjórhjóla ferðalag með Óbyggðaferðum . Var hópurinn í starfsmannaferð þessa helgi. Við sóttum þau á Hótel Flúðir eftir morgunverð. Hjólaferðalagið byrjaði eins og oftast áður frá aðalbækistöðvum Óbyggðaferða í Hólaskógi. Var farið um víðan völl og allt það helsta í Þjórsárdal skoðað. Eftir kaffisopa í Hólaskógi var hópnum skilað aftur á Hótel
Flúðir,en nú bjóðum við uppá slíka þjónustu fyrir minni hópa.

Til að sjá myndir úr þessari skemmtilegu ferð þa er smellt á myndina sem er hér við textann.

Stittist í stóru vestfj. ferðina. 9. 10. og 11. okt

2009-10-05T00:43:00.001Z

Á gömlu Sprengisandsleið.
Originally uploaded by Óbyggðaferðir

Góð þáttaka, þegar eru 15 manns búnir að melda sig inn. Sýnist mér stefna í alveg frábæra næstu helgi....

Fjórhjólaferð 9. 10. 11 okt. Vestfirðir

2009-09-24T21:31:00.001Z

Otri í góðum gír
Originally uploaded by Óbyggðaferðir

Farið með ferjunni Baldri yfir Breiðafjörð kl 15 föstud. 9. Þar með er hafin þriggja daga ævintýraferð um mjög svo hrikalega náttúru Vestfjaða, og er það sjálftur G. Otri Sigurðsson ( Otradalströllið ) sem leiðir hópinn. nánari uppl. hjá Otra í s.820 2492

Þjórsárdalslaug 2009

2009-06-01T09:27:00.002Z

Þjórsárdalslaug 2009
Originally uploaded by Óbyggðaferðir

Ánægjulegt að tilkynna opnun þann 30 mai . Þessi magnaða laug og staðsetning hennar stendur alltaf fyrir sínu.. . .

Opnunartími.

Fimmtud. 12-18
Föstud. og Laugard. 12-20
Sunnud. 12-18

Opnum fyrir hópa á öðrum tímum samkv. samkomulagi.
uppl í síma 6612503

Við opnum Þjórsárdalslaugina laugardaginn 30 mai kl 12

2009-05-29T00:55:00.004Z

Páskar 2009 149
Originally uploaded by Óbyggðaferðir

OPNUNARTÍMAR Í SUMAR.

Mánudagar, þriðjudagar og miðvikudagar LOKAÐ

Fimmtudagar 12-18. Föstudagar og laugardagar 12-20.
Sunnudagar 12-18.

Upplýsingar í síma 661-2503

Páskar í Hólaskógi

2009-04-07T22:20:00.002Z

Heklan
Originally uploaded by Óbyggðaferðir

Opið er hér alla páskana og stefnan er að gera skemmtilega hluti hér uppfrá, sé fyrir mér Hekluferðir og eins styttri ferðir á fjórhjólunum . Fullt tungl er um þessar mundir svo ekki ætti að útiloka miðnæturferð á Heklu ( ef heiðskýrt ) sem er alveg einstök upplifun og kemur manni skemmtilega á óvart. Annars er bara alveg opið fyrir allar góðar hugmyndir. Það er nóg pláss í skálanum og saunabaðið í topp standi þannig að allir ættu að geta dekrað við sig um páskana hér í Hólaskógi. kveðja Unnar s.661 2503

Óbyggðaferðir með páskahátíð í Hólaskógi

2009-04-03T09:51:00.003Z

Mars 2009 046
Originally uploaded by Óbyggðaferðir

Nú er stutt í páskana og hugmyndin er að halda einhverskonar páskahátíð í Hólaskógi. ( Jeppafólk göngufólk hjólafólk skíða bretta eða bara allir sem hafa ánægju af samvistum við aðra og eru bara almennt jákvæðir ) Gaman væri að sjá sem flest ykkar um páskana. Nánari dagskrá síðar hér á síðunni Unnar.

Árshátíð Svefn og Heilsu 28. mars 2009

2009-04-02T01:22:00.001Z

Fossáin
Originally uploaded by Óbyggðaferðir

Eins og við var að búast var mikið fjör og gaman hjá þeim í Svefn og Heilsu um síðustu helgi hér í Hólaskógi. Fjórhjólaferðin í snjómuggu en að öðru leyti gott veður. Myndirnar segja kanski meira hvernig stemminginn var og smellir þú hér á myndina hér til hliðar sérðu fleiri mymdir frá árshátíðinni.

Sjáið Ísland í dag á morgun 27. mars

2009-03-26T20:52:00.001Z

Á fullu gasi niður snarbrattar hlíðar Heklu.
Originally uploaded by Óbyggðaferðir

Miklar líkur eru á að sýndar verði video myndir úr Heklubruni þeirra Ágústu og Davíðs á dögunum. Verður einnig hægt að skoða þær upptökur hér á síðunni fljótlega.

Flott helgi framundan - árshátíð Svefn og Heilsu 28 mars

2009-03-26T19:49:00.002Z

Nestisstopp við skálann í Hrafntinnuskeri
Originally uploaded by Óbyggðaferðir

Siggi og Elísabet mæta á svæðið á laugardagsmorgni ásamt flestum eða öllum sem hjá þeim starfa við verslanir þeirra Svefn og Heilsu sunnan og norðan heiða. Stefnt er á að fara heljarinnar skoðunarferð á fjórhjólum um nágrennið ásamt því að borða góðan mat og skemmta sér fram á nótt.( Á myndinni hér til hliðar er hægt að sjá hvernig Siggi Matt er útlítandi )

7 mars. Fjallabrun og snjóbretti í bröttum hlíðum Heklu. Downhill and snowboarding on Hekla

2009-03-10T13:54:00.001Z

Smá pása ca. hálfnuð niður.
Originally uploaded by Óbyggðaferðir

Helgin var vægast sagt mjög lífleg og skemmtileg hér hjá okkur í Óbyggðaferðum . Á föstudag mætti hópur frá Loftleiðum Icelandic og var farin skemmtileg skoðunar ferð um nágrennið á fjórhjólunum, ásamt því að lenda í smá ævintýrum á bílunum á hafinu. Á laugardeginum stóð mikið til, voru mættir á staðinn tveir Íslandsmeistarar úr sitt hvorri jaðarsportgreininni .Þau Ágústa Fanney Snorradóttir á snjóbretti og Davíð Óskar Davíðsson í fjallabruni unglinga á fjallahjólum. Ætlunin var að gera tilraun með að ferja fólk upp á Heklutopp á beltafjórhjólum með sérstakar snjóþotur í dragi fyrir mannskapinn. Fengum við þau Ágústu og Davíð til að kanna brekkurnar með það í huga hvort möguleiki væri á að bjóða upp á einhvern svona pakka hér hjá Óbyggðaferðum. Þarf ekkert að orðlengja það neitt frekar, allt skoraði langt umfram væntingar. Svo vel tókst til að það er engin spurning að þetta er eitthvað sem við komum til með að bjóða fólki uppá. Sjáum við fyrir okkur skíði- bretti, fjallahjól og að ógleymdum þeim sem vilja bara komast í stórfenglegt útsýni af Heklutopp. Svona ferðir koma til með að detta inn með stuttum fyrirvara þar stílað verður inn á góðviðrisdaga. Áhugasamir geta fylgst með fréttum hér á síðunni og einnig er hægt að hafa samband við Unnar í síma 661-2503. Til að skoða myndir úr ferðinni smellirðu á myndina hér til hliðar.....

Fjallahjóla og snjóbretta brun niður Hekluhlíðar

2009-03-05T20:56:00.002Z

Heklan
Originally uploaded by Óbyggðaferðir

Nú er stutt í helgina og enginn hefur haft samband vegna skíðagöngupakkans sem við ætluðum að bjóða upp á þessa helgi í Hólaskógi . Þannig að sjálf hætt er við það dæmi . Ætla Óbyggðaferðamenn að prufukeyra í staðinn annað dæmi sem líka hefur lengi staðið til að prufa. Beltahjóla ferð á Heklutopp með brettafólk (og einn fjallahjólakappa, sem ætlar að láta sig gossa með þeim). Komum við til með að bjóða upp á slíkar ferðir í allskyns útfærslum. En veðrið hefur mikið með það að segja hvernig ferðirnar koma til með að vera. ( Myndir úr væntanlegu Heklubruni koma á síðuna eftir helgi. )

Göngu og gönguskíðahelgi í Hólaskógi

2009-03-04T13:55:00.005Z

Hekla af stangarfelli.
Originally uploaded by Óbyggðaferðir

Það hefur lengi staðið til að auka á fjölbreytni þess sem við bjóðum upp á hér í Hólaskógi. Um næstu helgi ( 6-8 mars ) stefnir í gott veður og flott færi fyrir gönguskíðafólk . Hugmyndin er að bjóða upp á pakka sem væri einhvernveginn svona.Mæting á föstudags kvöldi (hægt að hita upp með stuttri tunglskinsgöngu) eða bara slaka á í skálanum. Á laugardagsmorgninum bjóðum við upp á hafragraut í mannætupotti ásamt brauðmeti, kaffi og te. Siðan einfaldlega gerir fólk það sem það vill. Hef ég ekki neinar áhyggjur af því .Þegar svo margir með sömu áhugamál eru saman komnir finna allir sér eitthvað við sitt hæfi. Eftir væntanlegan göngutúr hvert sem hann nú verður farinn býður glæsileg grillveisla ( ca. kl. 19) Væri þá sniðugt að vera búinn að slaka vel á í saunabaðinu bak við skálann. Seinna verður varðeldur kveiktur neðan við hús. Að sjálfsögðu þarf síðan að taka tillit til þeirra sem ætla að ganga líka á sunnudeginum og gott væri ef svefnfriður væri kominn í skála ca. kl 1. en fyrir þá sem ekki eru þreyttir er að vísu sönghús á svæðinu .
Morgunverður aftur í boði á sunnudeginum.
Verð fyrir svona pakka 2x gisting -2x morgunmatur og 1x grillveisla er kr.6000 pr.mann. Gestir koma sjálfir með svefnpoka( sæng) og annað nesti.
Skálinn er vel útbúinn og þægilegur.
Skráning á www.info@icesafari.is
Kveðja,
Unnar: sími 661-2503

Stöð 6 Þorraferð (stoppið í Hólaskógi)og afhending Óttarsinns 2009

2009-03-03T20:32:00.002Z

25. febr-1 mars 2009 089
Originally uploaded by Óbyggðaferðir

Halldór Þorkellsson heitir maður nokkur , hann, er reyndar á myndinni hér til hliðar. Eins og glöggir lesendur sjá þá heldur kappinn á stórmerkilegum grip - Óttinn. Er þetta verðlaunagripur sem lítur út eins og ópið ( málverkið ). Veit enginn hver eða hvað skapaði listaverkið, en það gerir Óttarinn enn dularfyllri. Akademía stöðvar 6 veitir einum manni í þorraferðinni árlegu gripinn góða til varðveislu eitt ár í senn. Þarf sá hinn sami að hafa skarað fram úr í að sína karlmannlegan ótta og leyna fyrir öðrum ótta sínum og skelfingu vegna vangetu sinnar til drifgetu á fjöllum. Halldór Þorkellsson er vel að þessum verðlaunum kominn og eins og sést á myndinni tekur hann sig einstaklega vel út með gripinn góða. ( varðveitir hann nú gripinn annað árið í röð AÐ EIGIN SÖGN !!!!!!!!!) sjá fleiri myndir smella á myndina af Halldóri......

Strákarnir í Barðanum toppuðu Heklu um helgina.

2009-03-03T17:14:00.001Z

Hópurinn á leið í skála
Originally uploaded by Óbyggðaferðir

Mikið var um að vera í Hólaskógi um helgina, m.a. hið árlega þorrablót stöðvar 6. Eru þar á ferð kappar á flestum öflugustu fjallabílum landsins. Sýnist mér þetta vera stór hópur af fullorðnum prökkurum,sem sleppa algerlega stráknum í sér lausum, mikið grín og mikið gaman. Einnig mættu strákarnir úr Barðanum í vetrarferð hjá Óbyggdaferdum. Var stefnt á Heklu enda ægifagurt veður. Voru líka á svæðinu nokkrir félagar úr Can am klúbbnum , slógust þeir með í för ásamt Íslenska Ofurmenninu , sem einnig var á staðnum.. ( til að sjá myndir úr Hekluferð Barðanns smellirðu á myndina af þeim hér til hliðar....

Zúúberferð FM 95,7 21. febr. 2009

2009-02-24T20:54:00.001Z

21 - 23 febr. 2009 030
Originally uploaded by Óbyggðaferðir

FM 95,7 , Mountain Dew og Motormax stóðu fyrir leik í morgunþættinum Zúúber þar sem heppnir ( mjög heppnir) hlustendur unnu sér inn fjórhjólaferð hér hjá okkur í Óbyggðaferðum. Þau Svali og Sigga Lund báru hitann og þungann af þessari ferð, því þriðja hjólið hann Gassi náði sér í flensu rétt fyrir brottför. Var veðurútlit ekki gott, en svona Zúúber fólk kallar ekki allt ömmu sína. þannig að hópurinn lagði af stað út í óvissuna. Hamingjan og gleðin voru við völd þá 5 til 6 tíma sem ferðin stóð ( í ágætis veðri ). Þegar í skála kom var síðan slegið upp heljarinnar parý sem stóð fram undir morgun. Til að sjá myndir úr ferðinni smelltu á myndina hér til hliðar........( því miður eru ekki margar myndir komnar inn því myndavélin mín drukknaði í einni ánni, en ég fæ fleiri myndir frá öðrum síðar)

Zúúberferð FM 95,7 og MOUNTAIN DEW 21- 22 febr.

2009-02-13T14:34:00.007Z

Skammdegis sólin.
Originally uploaded by Óbyggðaferðir

Jæja það sem stendur til að gera næstu helgi er í rauninni einfaldlega það, að eiga mjög góðan dag (og kvöld) á fjöllum. Við gistum í þessum líka fína skála þar sem við hjá Óbyggðaferðum erum með okkar aðalbækistöðvar. Erum við þegar búin að taka frá gott ferðaveður þann 21. næstkomandi. Svona gæti dagskráin litið út. Mæting á laugardagsmorgni (ca kl.10) í Hólaskóg eða það sem við teljum skemmtilegra er að mæta strax á föstudagskvöldi. Leggjum í hann á fjórhjólunum um kl.12 frjáls eins og fuglinn förum við nú á marga áhugaverða staði í nágreninu og einnig lengra frá. (ekki gleyma myndavélinni því fjallafegurðin getur verið alveg eínstök). Lengd þessarar Zúúberferðar FM 957 og Mountain Dew verður á bilinu 3 - 5 tímar. Fyrir þá sem verða ekki dregnir út í leiknum, er hægt að leigja hjól hjá okkur á sérstöku Zúúber verði, aðeins kr. 15.000. Eftir ferðina tekur við hefðbundin skálastemning , grill, spjall, sauna, spilamennska , og söngur fram á nótt. Aðrar upplýsingar..... Til að finna Hólaskóg ferðu til baka á heimasíðu Óbyggðaferða og smellir á Hólaskógur, skrollar niður og smellir á Hólaskógur á korti. Við höfum allan fatnað og skóbúnað á svæðinu fyrir fjórhjólaferðina( góður fatnaður ) Gistipláss fyrir 80 manns og tvö vel búin eldhús. Nánari uppl. í síma 6612503
Unnar Garðars.

Gestabækur Hólaskógi

2009-02-12T08:12:00.001Z

unnar gestabók 2008-9 008
Originally uploaded by Óbyggðaferðir

Datt í hug að gaman væri að geta flett gestabókunum hér á síðunni. smella á myndina hér til hliðar........

Hópmynd 30-31 jan 2009.

2009-02-10T00:05:00.002Z

Hópmynd
Originally uploaded by Óbyggðaferðir

Fríður flokkur í Hólaskógi. ( Þorrablótshópurinn af suðurnesjum.)
smella á mynd til að stækka.

Vetrar ríki á Dómadalsleið. helgin 30-31 jan 2009.

2009-02-05T00:43:00.004Z

Vetrar ríki á Dómadalsleið.
Originally uploaded by Óbyggðaferðir

Síðustu helgi var mjög líflegt og mikið um að vera í Hólaskógi. Gamalgróinn og samheldinn hópur af suðurnesjum, (eftir því sem ég best veit kalla þau sig þorrablótshópinn ) héldu sitt árlega þorrablót. Mættu á svæðið á föstudags kvöldið og hituðu upp fyrir blótið næsta kvöld. Á laugardeginum fóru flestir í jeppatúr í Landmannahellir, í erfiðu færi en fallegu veðri, (eins og sést á myndinni hér til hliðar). Síðan var Þorranum blótað af mikluklum krafti fram eftir nóttu . Langar mig að þakka þeim fyrir helgina og að hafa mokað pallinn og sitt hvað fleira sem þau gerðu innan húss. Einnig voru mættir á Föstud.kvöld nokkrir gallvaskir menn á fjórhjólum sem ætluðu inn í Hungurfit á laugardeginum og gista þar. Sem reindist vonlaust sökum færðar, og voru þeir því aðra nótt í Hólaskógi sem bara var gaman.(ef smellt er á myndina hér til hliðar sérðu myndir sem teknar voru í fjórhjólaferðalaginu)

Þarna sjáið þið Mikka ref.,

2009-01-13T01:30:00.003Z

Mikki refur í koju.
Originally uploaded by Óbyggðaferðir

Langar að vekja athygli á skemmtilegum myndum (video) frá refnum, sem mörg hver eru tekin í ferðum hjá Óbyggðaferðum, enda kallinn mjög duglegur að ferðast youtube.com/fjorhjolari..... Síðan fyrir þá sem ekki vita langar mig að vekja athygli á því að í Hólaskógi er frábær aðstaða til mannfagnaða svo sem afmæla, þorrablóta, og bara nefndu það, það verður allt frábært í Hólaskógi.

Atvinnu björgunar menn.

2009-01-09T15:07:00.001Z

Atvinnu björgunar menn.
Originally uploaded by Óbyggðaferðir

Fleiri myndir komnar á síðuna......smella á mynd ...>

HB Grandi 24 febr. 2008.

2009-01-08T00:11:00.006Z

HB Grandi 24 febr. 2008.
Originally uploaded by Óbyggðaferðir

Er að dunda við að setja myndir úr eldri ferðum á síðuna. Þessar myndir eru úr ferð sem strákar frá HB Granda fóru í febrúar síðastl. Það má eiginlega segja að þeir hafi toppað ferðina áður en lagt var í hann. Þeir lentu í því óhappi að velta bílnum móts við Sultartangavirkjun. Eftir að hafa villst örlítið fram hjá Hólaskógi. Blessunarlega meiddist enginn, og áttu allir mjög góðan dag á fjöllum. skoða fleiri myndir smella á myndina....>

Myndir úr ferðinni þann 30. des.

2009-01-06T02:19:00.002Z

Við Ísakot Vita og Martin.
Originally uploaded by Óbyggðaferðir

Það var flottur hópur sem lagði í hann um hádegisbil.Alls sex hjól og meðal annarra breskt par sem var á Íslandi í brúðkaupsferð. Myndir úr ferðinni eru ekki hágæða enda ekki gott að mynda í þoku. Þokan gerði allar áætlanir um Hekluferð að engu, svo stefnan var tekin í Landmannahelli eða Laugar. Eftir þessa ferð ætla ég aðeins að endurskoða álit mitt á Polarishjólunum í snjónum, því Otri var að gera mjög góða hluti á sínu hjóli.( er samt 130kg. að líkamsþy ngd) ´ sjá myndir smella á mynd >

Skyndiákvörðun Hekluferð. 30 des.

2008-12-29T22:51:00.001Z

Skammdegis sólin.
Originally uploaded by Óbyggðaferðir

Án þess að hafa hugmynd um færð og aðstæður, Ætlum við hjá Óbyggðaferðum að fara létta fjórhjólaferð á Heklu . Hægt er að fá leyguhjól í þessa ferð, á mjög góðum kjörum vegna stutts fyrirvara. Það er lítið stress í gangi og er áætluð brottför úr Hólaskógi kl.13 Nánari uppl. s 6612503

Gleðileg Jól .

2008-12-25T15:51:00.001Z

Hólaskogur
Originally uploaded by Geir Sig

( Jólalegasta myndin sem ég fann), Óskum öllum gleðilegra jóla og farsældar á komandi ári. Óbyggðaferðir.

Það verður gaman í vetur.

2008-12-18T23:35:00.002Z

Tekið í átt að krakatindi.
Originally uploaded by Óbyggðaferðir

Nú er það helst að frétta hér hjá Óbyggðaferðum, að nú verður settur mikill kraftur í að setja í gang fjölbreytta vetrardagskrá hér í Hólaskógi. ( Lagning gönguskíðabrauta, snjóbrettaferðir á Heklu og sitthvað fleira skemmtilegt ) að ógleymdum vetrarferðunum okkar vinsælu á fjórhjólunum. Nánari uppl. síðar.

Hestar í Hólaskógi.

2008-12-18T02:16:00.005Z

IMG_0101
Originally uploaded by Óbyggðaferðir

Jæja nú eru loksins hesta myndir,og. myndir sem tengjast þeim ferðum Komnar á síðuna, Bæði frá sumrinu 2007 og 2008 til að sjá þessar myndir er bara smellt á myndarammann með hestinum. Voru allar þessar myndir teknar við Hólaskóg og nágrenni. Mjög bráðlega verður mun fleiri myndum bætt við.

Hann er búinn að hækka hjólið

2008-12-16T12:59:00.001Z

Formanns hjólið.
Originally uploaded by Óbyggðaferðir

Eins og mig grunaði, þá virðist kokkurinn hafa verið mjög ósáttur við að vera einn af þeim sem ekki komust á Heklutopp síðustu helgi.

Hann tvínónar ekki við hlutina þessi maður og er búinn að hækka hjólið um tvær tommur. Hann segir að nú megi Hekla fara að vara sig. Til gamans má geta að hann hefur ekki enn náð að sigra Heklu á fjórhjóli.

Hekluferðin

2008-12-15T12:00:00.004Z

Nú er þessi ferð á enda, og má segja að Hekla hafi ekki viljað hleypa upp á sig þennan dag, allavega ekki fyrirhafnarlaust. Mæting var mjög góð í þessa ferð, 17 fjórhjól. Átján manns og einn hundur lögðu á fjallið um kl. 11 á laugardagsmorgun. Fljótlega við rætur Heklu fóru menn að fá smjörþefinn af því sem koma skyldi. Djúpur púðursnjór og hvergi hægt að

forðast hann. Sóttist ferðin samt ágætlega lengi vel. Þegar kom að hraunjaðrinum fyrir neðan löngu brekkurnar upp Heklu versnaði færið enn meira.Til að gera góða sögu stutta , þá má segja að færri hafi komist á toppinn en vildu. Held ég að margir úr þeim hóp ætli sér upp fyrr en seinna. Veðrið gat varla verið betra eða fallegra, svo allir voru glaðir með sitt, að ég best veit.Þeir síðustu skiluðu sér í Hólaskóg um kl. 20 (myndir á heimasíðu Óbyggðaferða)

Áhugi fyrir Heklunni á morgun.

2008-12-12T18:09:00.002Z

Hafa margir haft samband nú þegar,og tilkinnt komu sína og sinna. Stefnir í góða þátttöku.Meira eftir helgi.....

Fréttir af væntanlegum Heklutúr.

2008-12-11T20:15:00.000Z

Nú hefur Ómar í ZikZak einn sá djarfasti í löngum og bröttum brekkum, tilkinnt komu sína. Kominn á 12" Bighorn dekk allan hringinn. ( Stefnir í hörku túr. )

Eiríkur og Maggi blása til Hekluferðar

2008-12-11T15:26:00.000Z

Kokkurinn og Glerkallinn ætla að mæta gallvaskir í Hólaskóg á föstudagskvöldið. Fýsir þá mjög að komast á Heklutopp á fjórhjólum. Eru allir velkomnir með, þurfa þó að vera á vel útbúnum hjólum.Ætli þeir sér að halda í við kappa þessa. Möguleiki er að fá vel útbúin leiguhjól hjá Óbyggðaferðum í túrinn. Þessi ferð flokkast undir erfiða ferð býst
ég við erfiðu færi í mjög svo bröttum hlíðum Heklu. Góður fatnaður og auka bensín skilyrði . Lagt verður í hann á laugardagsmorgun kl. 10 frá Hólaskógi. nánari uppl. hjá Unnari í S. 6612503

Helgin 5.-7.des 2008

2008-12-08T11:37:00.000Z

Fámennt en góðmennt var þessa helgi í Hólaskógi.

Nýttum við tímann vel til hvíldar og leti. Þó tókum við okkur tíma til að setja vetrardekk undir fjögur fjórhjól, með von um að færið fari að þyngjast (helst verulega).

Hugmyndin var að fara á sunnudeginum og leita betur að manninum sem týndist á Skáldabúðaheiði síðustu helgi. Snjómugga og aðstæður buðu ekki uppá þau gæði leitar sem við ætluðum okkur.

Ný spjallsíða hjá Óbyggðaferðum

2008-12-05T17:56:00.000Z

Mitt í öllu krepputalinu opnuðu Óbyggðaferðir þessa spjallsíðu.

Hér verður þó ekki rætt um kreppuna. Nei, hér verður fjallað um helstu atburði í starfssemi Óbyggðaferða, hvort sem það eru liðnar ferðir eða væntanlegar ferðir.

Með kveðju
Unnar & Helgi